مدونة عن سنة سادسة الجزء الأول " جراحة عامة "

الجراحة العامة 

مديول عليه ٢٠ ساعة 

عبارة عن ١٢ اسبوع  مقسمة مستشفى ومحاضرات 

  في سنتنا سووا تغيير جداً جميل ومريح ، فصلوا الجراحة العامة عن جراحة العظام 

الجراحة العامة ٨ اسابيع 

العظام ٣ اسابيع 

بالنسبة للجراحة اول اسبوعين محاضرات نظرية 

بعدها تتقسمون على المستشفيات  العسكري والتخصصي وخالد 

راح تكونون مع التيم تحضرون الميتنق وبعده الراوند بعده تتقسمون مع كل تيم مجموعة 

فيه ايام بعد الظهر يكون سيشن مستشفى عادي واحيانا ترجعون تداومون بالجامعة اقزامنيشن او محاضرة 

اما بالنسبة للعظام فأول اسبوع محاضرات واخر اسبوعين مستشفى نفس الشي الصبح تحضرون مع دكاتره المستشفى والظهر مع دكاترة الجامعة 

هذا بالنسبة للدوام 

المادة محاضراتها معقولة واعادة لمحاضرات رابع
  لكن يبيلها حفظ ويمدي تجيبون فيها درجات بس الحفظ والمراجعة مهمة لان المنجمنت كله اشياء جديدة
 الاوسبي يجي من الصور اللي يعرضونها بس مشكلته يحطون اسئلة كثيرة والوقت ما يكفي لذلك اللي حافظ صم بيحل
على طول

الميد كان نوعاً ما صعب لأن السؤال معطياته ناقصة فما كان يجي ببالي دفرنشيال زائد بعض المحاضرات جابوا اندر الاشياء واشياء ما انشرحت
ممكن تلقونها بسرجكال ريكول

الفاينل رتن بالنسبة لي اهون بس بعد نفس الشيء كان فيه اسئلة مو واضح وش يبي منجمنت هل هو دفنتف او انيشيال

مصادر المذاكرة

1. ملاحظات الدكاترة بالمحاضرات جداً مهمة.

2. Surgical Recall 

مصدر جداً مهم والاسئلة اللي تجي برا كلام الدكاترة تجي منه 

3. 1st Aid surgery 

مصدر حلو انصح فيه يعطيك زبدة الموضوع 

فيه مواضيع محددة اشوفها جداً كافية فيه منها 

- breast diseases 

- hernia 

-peptic ulcer and stomach cancer

-esophagus 

-shock 

-burn 

-fluid and electrolyte 

-trauma 

-wounds

-gallbladder diseases 

* بالنسبة لهذي المواضيع بعض منها انا مرتبته وكاتبه فيه الكلام اللي زادوه الدكاترة بنزلها مع ملخصاتي بالدروب بوكس.

4. Churchill surgery book

حلو بس كنت افضل فرست ايد عليه 

5. Lecture note surgery book
ما انصح فيه كلام كثير ويضيع تركيزك قريت منه فقط هيد تروما لان ما لقيت لها مصدر وسويت ملخص منه راح انزله بالرابط 

محاضرة البري اوب من ملخص د حسان العام او فرست ايد

فيه سمنار واحد بالاورثو وواحد بالجي اس تشرحونه وتسوون لكم مصدر تذاكرونه 

حضور السمنار بالاورثو مهم عشان الدكاتره يركزون على اللي يبونه 

عدد المحاضرات كامل اورثو وجي اس 45 محاضرة 

تقسيم الدرجات 

•  med written 15
•  med OSPE 5 
•  final written 25
• final OSPE 10
•  OSCE !! 40
•  OSCE quizes 2
• logbook 2 كل ما خلصتوه بدري كل ما ارتحتوا وصار وقتكم للمذاكرة لا تراكمونه لآخر الترم.
•  Attendance 1

بالنسبة للكوزات زي الاوسكي يختبرونكم بالسميوليشن سنتر كل قروب بيوم ويكونون معلمينكم ايش الاقزامنيشن اللي 

بيختبرونكم عليه 

نصائح عامة للمادة

- بالنسبة للمذاكرة مهم جدا حضور المحاضرات وتدوين كلام الدكاترة 

- دفعة 34 البنات سووا ملفات وورد ودونوا المحاضرات فيها الله يجزاهم خير

فكنت لا رجعت البيت بدل ما اسمع تسجيل المحاضرة وادون من اول وجديد اقرا ملخصهم وازيد بملخصي اللي ما امداني اكتبه وهالطريقة اختصرت وقتي كثير

الحلو بملخصاتهم بعضهم ضايفين كلام من كتب فكان جدا يسهل

بعد ما اقرا وادون اللي ناقصني اقرا فرست ايد وسرجكال ريكول لكن ما كنت مجمعة الكلام بمكان واحد وهالشيء تمنيت لو

 سويته كان بيسهل علي مذاكرة الفاينل

بعض الملخصات سويت فيها كذا لكن مو الكل

فنصيحتي تجمعون المعلومات بمكان واحد

- الاورثو كلام الدكاترة كافي وزيادة ما يحتاج مصدر ثاني.

- الاختبار كان كله منجمنت وانفزتقيشن مهم تعرفون كل منجمنت ومتى يتسوى

انا كنت اقول انه ادفانس علينا العمليات الجراحية بس بالاوسكي سالونا عن المنجمنت لسرطان البنكرياس وايش خيارات العلاج

يعني اسماء العمليات مهمة خصوصاً محاضرة الابستركتف جوندس

- الاوسبي سهل كله من الصور اللي عرضوها بس عيبه انه الوقت مايكفي عدد الاسئلة

 - اما بالنسبة للاوسكي ذاكروا الكويز بجد وبترتاحون وقت الفاينل بحط ملفات اوسكي ساعدتنا هستوري واقزامنيشن  ما

 يحتاج ترجعون لبراوز زي رابع بالضبط مقاطع قيكي ميدكس كافية وفيه ملفات اوسكي بالدروب كافية المهم تروحون حافظين المحاضرات لان اخر الستيشن بيسالونكم عن دفرنشيال وانفزتقيشن او منجمنت

- الفاينل جا فيه اسئلة من محاضرات الميد كثير فلا تسحبون على الميد  وفيه محاضرات اخذناها بعد الميد ولا جا عليها اسئلة ابد.

- نصيحة اخيره مهم جدا تقرون سرجكال ريكوووول مهم مهم مهم مرررررة كثير يجي منه وخلوا مصدركم مكان واحد 

المحاضرات المهمة واللي جا عليها اسئلة كثير ميد وفاينل 
breast diseases 
gallbladder diseases 
appendicitis  
pancreatitis 
UGIB
LGIB
obstructive uropathy
salivary glands كله جا عن التيومرز ركزوا عليها 
obstructive jaundice 
urological malignancy 
dysphagia 
head trauma 
PVD 
MIS
anorectal diseases
venous and lymphatic obstruction
portal HTN  
المحاضرات الباقي جا منها اسئلة بس هذي المحاضرات تعددت الاسئلة عليها رتن واوسبي واوسكي 

   اما المحاضرات اللي الاسئلة عليها لا تذكر  
organ transplantation
IBD
Peptic ulcer diseases 


بالنسبة للملخصات هنا بهذا الرابط فيه اربع ملفات 

ملف للاوسكي
وملف للاوسبي مسوينه دفعتي
وملف ملخصات دفعتي البنات
وملف للملخصات اللي سووها دفعة اربع وثلاثين
 وملف فيه ملخصاتي
ملخصاتي كاتبة بداية كل ملخص وش مصدري كلام الدكتور او كتاب والخ اول ما تفتحونها يكون الخط مغبش اصبروا شوي ويتعدل

محاضرة البريست ذاكرتها من فرست ايد واضفت عليها كلام الدكتور اللي قاله
بحطها ملف بي دي اف فيه علامة نوت بتلقونها تضغطون عليها يطلع لكم النوتز الزيادة
 هذا فهرس للدروب بوكس

ان اصبت فمن الله وان اخطات فمني سامحوني لو كان فيه اي غلط والله يوفقكم ويسهل اموركم يارب

https://www.dropbox.com/sh/ukf87rahg8wp5e8/AACH4zuCxEOKhTcMNu0Efh2La?dl=0

اذا عندكم أي سؤال أو استفسار لا تترددون تسألوني  

https://curiouscat.me/alanoudalbazei

الله يوفقكم ويسهل اموركم

ان شاء الله يكون الموضوع فادكم 

💓💓💓