پیاپیں ٹَوک ( یازدھمی بھر)

 

 

رجانکار: اُزیر مھرؔ

 

۱۔ مردمے ءِ گْور ءَ ماھیگے بھا کن کن بِلّے روچے ءَ وارت ئِے، مردمے ءَ ماھیگ شکار کنگ ھیل دئے بزاں تو کاروبار ءِ جْوانیں موھے برباد کُت۔

۲۔ اِزم مدام ءُ ھرجاہ ءَ پھمیانيں مَنّگے ءُ یکّیں وھد ءَ وتی وھد ءِ ابدمانیں زُرمبشتے۔

۳۔ جھان ءِ پوریاگِر یکجاہ بنت؛ شمارا ھِچّ ببادیگی نہ اِنت بید ء وتی سانکلاں۔

۴۔ راجدپتر وت ءَ را پرّام اِیت اولی رند ءَ اندوھناکی ءَ دومی رند ءَ چیوائی ءَ ۔

۵۔  زرورت داں ھما وھد ءَ کور اِنت داں کہ آگاہ نہ بیت۔ آجوئی زرورت ءِ آگاھی ءِ نام اِنت۔

۶۔ جُنزان کن، درا برو۔ گُڈّی گال ھوڈانی ھاتر ءَ اَنت کہ آھاں باز نہ گْوشتگ۔

۷۔ سرکاری اپسر ءِ نِزّ ءَ اِے دنیا تھنا یک ازبابے کہ ایوک ھما ایشی ءِ گِر ءُ دار ءَ بہ کنت ءُ پہ وتی مکسد ءَ کارمرز ئِے بہ کنت۔

۸۔ ھر کس پہ وتی بودشت ءُ ھاجت۔

۹۔ ازگاریں مردم پہ نیزگاریں مردم ءَ ھرچی کنگ ءَ تیار اِنت بید ء آئی ءِ بڈّ ءِ سر ءِ ایر آھگ ءَ۔

۱۰۔ زمینانی مالک چو دگہ مردماں ھمود ءَ سمر ءُ نیبگ ءِ لوٹوک اَنت کہ آھاں اود ءَ ھجبر نہ کِشتگ۔

 

کارل مارکس

 

 

۱۱۔ یک باجبرے مدام ایمنی ءِ لوٹوک اِنت۔

۱۲۔ مئے اکل بِلّے دائم سلّھی ءُ سدکّی ءِ لوٹوک اِنت، بلے مئے ابرم ءَ بے باوری ھر رند ءَ دلکشّ لگّ اِیت۔

۱۳۔ دْراھیں چیزاں پیسر ھمّت یک جنگولے ءِ اولی لائکی اِنت۔

۱۴۔ ماں جنگ ءَ ھرچیز سکّ آسان اِنت بلے دْرستاں چہ آسان تِریں چیز گران اِنت۔

 

 

کارل وان کلاوزوِٹس

   

 

 

۱۵۔ تو اگاں پہ رد بیگ ءَ جریدگ نہ ئے گڑا تو بِھ اسیلیں چیزّانی کِرّ ءُ گْور ءَ نیائے۔

۱۶۔ ھیال ءُ جیڑگ انسان ءِ ھرچ پیمیں سوبمندی ءِ بنزہ اِنت۔ ءُ اِے ھما چیز اِنت کہ من جزم آں ھما پیم ءَ کہ ما وتی چُکاں زانشت ھیل دیگ ءَ اِيں ما پہ راھبندیں وڑے ءَ وت وتی چُکّاں گپچلے ءَ دور دیگ ءَ اِیں۔

۱۷۔ ساچشتکاری ھما کار ءِ نام اِنت کہ تئی گْور ءَ ھما اسیلیں ھیال بہ بنت کہ بستار اِش ھست۔

 

 

کِن رابِنسن

 

۱۸۔ تئی درد ھما کرکینک ءِ پْرُشگ اِنت کہ تئی سرپدی پیڑاتگ ئِے ءُ تو اگاں وتی دل ءِ بھمانگی ءَ وتی زند ءِ بیوکیں ھمروچیگیں کراماتانی تہ ءَ داشت کن ئے گڑا تئی درد چہ تئی وشّی ءَ کمتر زیبا ءُ دلکشّ نہ بیت۔

۱۹۔ من چہ بیرگیں راستی ءَ نہ زانتکار آں بلے من وتی نزانتکاری ءِ دیم ءَ آجز آں ءُ ھمیشی ءِ تہ ءَ منی شرپ ءُ داد پیوست اَنت۔

۲۰۔ یک روچے تو من ءَ جست کن ئے کہ تئی زند گیشتر ارزشت دار اِیت یا منی؟ من گْوش آں منی ءُ تو چہ اود ءَ درکائے روئے اِے نہ زان ئے کہ تو منی زند ئے۔

۲۱۔ زیکّیں روچ مرچیگیں روچ ءِ یات اِنت ءُ باندات مرچیگیں روچ ءِ واب اِنت۔

۲۲۔ دست پچی چہ وتی بستار ءَ گیش دیگ ءِ نام اِنت ءُ گروناکی چہ وتی ھاجت ءَ کمّ زیرگ ءِ نام اِنت۔

۲۳۔ من ءَ دوست بیت وھدے کہ شما وتی مسیتانی تہ ءَ سجدہ کن اِت، وتی مندرانی تہ ءَ کونڈاں جن اِت ءُ ابابت کن اِت، ماں وتی چرچاں دُوا کن اِت۔ پرچا کہ من ءُ تو یکیں نیکراہ ءِ پُسگ اِیں ءُ جوھر ھمیش اِنت۔

 ۲۴۔ شھدیں دوستی ءِ تہ ءَ کندگ بہ بیت، وشّیانی بھر ءُ بانگی بہ بیت۔ پرچا کہ اُردیں چیزانی پیڑاپ ءَ دل وتی سھباں شوھاز اِیت ءُ تاجگ بیت۔

۲۵۔ یک انسانے ءِ دْرستاں چہ بوھیر ءُ زیبائیں مکسد دگر ءِ ھکّانی پھازگ اِنت۔

۲۶۔  زند ءِ دو اسل سوگات زیبائی ءُ راستی اَنت۔ اولی من ءَ مھر کنوکیں دل ءِ تہ ءَ دست کپتگ ءُ دومی من ءَ پوریاگِر ءِ دستانی سر ءَ۔

۲۷۔ آ من ءَ گنوکے لیک اَنت پرچا کہ من وتی روچاں تِلاہ ءِ ھاتر ءَ بھا نہ کن آں؛ ءُ من آھاں گنوک لیک آں پرچا کہ آھانی ھیال ءَ منی روچانی نِھادے ھست۔

۲۸۔ ھر ھما چیز کہ واھشت ودی کنت آ باجے ودی کنت۔

  ۲۹۔ تئی پوشاک تئی بازیں جلواھناکی یے چیر دے اَنت بلے پد ءَ ھم تئی بدجلواھناکی ءَ نوان نہ کن اَنت۔

۳۰۔ کار ءِ تہ ءَ مھر پیداور بہ بیت ءُ تو اگاں گوں مھر ءَ کار کت نہ کن ئے تھنا گوں شِزار ءُ بیزاری ءَ کار کن ئے گڑا گھتر ھمیش اِنت کہ وتی کار ءَ یلہ بہ دئے  ءُ ابابت جاہ ءِ دروازگ ءِ دپ ءَ بہ نند ءُ ھما مردمانی ھیراتاں بہ زیر کہ گوں مھر کار کن اَنت۔

۳۱۔ وھدے کہ تو مھر کن ئے تو باید اِنت چو مہ گْوش کہ ھُداوند منی دل ءِ تہ ءَ اِنت بلکیں چو بہ گْوش کہ من ھُداوند ءِ دل ءِ تہ ءَ آں ءُ چو مہ جیڑ کہ من مھر ءِ ھاتر ءَ مھر ءِ آبرشت ءَ وتی نیمگ ءَ جھلاد کن آں آ اگاں ترا لائک پھم اِیت آبرشت وت تئی نیمگ ءَ رِچوک بیت۔

۳۲۔ دوستی مدام یک شھدیں زمّہ واری یے ھجبر یک موھے نہ اِنت۔

۳۳۔ منی تھنائی ھما وھد ءَ ودی بیتگ وھدے کہ مردماں منی گپّی اِیں ائیب ساڑاتگ اَنت ءُ منی ھاموشیں شَرّی ایر جتگ اَنت۔

۳۴۔ ارواہ ءِ جھلانک کنگ ءَ ابید باید اِنت دوستی ءِ دگہ مول ءُ مرادے مہ بیت۔

 

ھلیل جبران

 

 

۳۵۔ زانِشت گوں بے کساس بدلی ءِ تاکت ءَ یک انسانی ھکّے۔ وانگ ءُ زانشت ءِ بُنھشت ءِ سر ءَ آجوئی، جمھوریت ءُ برجائیں انسانی دیمروئی ءِ پِیلپا ایر اَنت۔

۳۶۔ اِلم یک تاکتے۔ زانت ءُ سرپدی آجو کنت۔ وانگ ءُ زانشت ھر چاگرد ءُ ھر کھول ءِ تہ ءَ دیمروئی ءِ کمپان اِنت۔

۳۷۔ زند گوازینگ ءِ ھاتر ءَ گچین کنگ لوٹ اِیت۔ بلے پہ شرّ گچین کنگ ءَ ترا اِے زانگ لوٹ اِیت کہ تو کَے ئے ءُ پہ تو چی ءِ ھاتر ءَ اوشت ئے، کجا روگ لوٹ ئے ءُ پرچا اود ءَ سربیگ لوٹ ئے۔

۳۸۔ ما بگندئے جتائیں نیکراہ، جتائیں زبان، جتائیں جسم ءِ رنگ ءُ دْروشم دار اِیں بلے ما دْراہ یکیں انسانی پدریچ ءَ سیادی دار اِیں۔

۳۹۔ مئے گْور ءَ مئے جیڑھانی توجیل کنگ ءِ ھاتر ءَ سبب ءُ بودشت ھست اَنت دریگتیں ما سیاسی واھشت ءُ ارادہ بہ شوھاز اِتیں۔

۴۰۔ اگاں سرپدی ءُ اِلم جمھوریت ءِ اسل زرورت اَنت گڑا اِے دیمروئی ءِ شرت اَنت۔

۴۱۔ مارا وتی امیت زندگ دارگ لوٹ اِیت ءُ جھد کنگ لوٹ اِیت داں کہ گھتر کار بہ کن اِیں۔

  ۴۲۔ اِنساپ ءِ اِشتاپی ءَ اِے گپّ ارزشت دار اِیت کہ ما ھما راھبنداں ڈالچار مہ کن اِيں کہ یک ملکے دوست دار اِیت اِش۔

 

 

کوپی انن

 

  ۴۳۔ راستی ءَ بہ گْوش۔ گوں جزبگ سوت بہ جن۔ گوں کندگ کار بہ کن۔ چہ دل ءَ مھر بہ کن پرچا کہ گُڈّسر ءَ ھمے چیز اَنت کہ ارزشت دار اَنت۔

 

کِرس کِرسٹوپرسن

 

۴۴۔ من ھما چیز ءِ ھاتر ءَ نپرت کنگ باں کہ منی تہ ءَ ھست اِنت چہ ھما چیز ءَ دوست تِر بیت کہ منی تہ ءَ نیست ءُ من مھر کنگ بہ باں۔

۴۵۔ وتی جند ءِ بیگ ءِ بدل ءَ دگرے بیگ وھد ءُ زِکت ءِ زیانی یے۔

۴۶۔ من سکّ گل آں پرچا کہ مروچی من ءَ منی دوست دست کپتگ اَنت۔ آ منی مجگ ءِ تہ ءَ اَنت۔

۴۷۔ تو اگاں مِرئے تو پھک ءَ گل ئے ءُ جاھے ءَ تئی ارواہ زندگی کنت۔ من پہ مِرگ ءَ دلوارگ ءُ ترسگ ءَ نہ آں۔ چہ مَرگ ءَ پد بیرگیں ایمنی ءُ تاھیر، دگہ یک دنیایے ءِ مردمے جوڑ بیگ دْرستاں چہ جوان تریں امیت اِنت کہ من ءَ رس اِتگ۔

۴۸۔ دوست زانتگیں دژمناں ابید دگہ ھِچّ نہ اَنت۔

 

 

 

کرٹ کوبین

سرشون:

Brilliant Quotes – An App from Google Play Store